'ଭବାନୀପାଟଣା ତା:୦୨/୦୧() ସ୍ଥାନୀୟ ନୂଆପଡା ନିବାସୀ ଡାକ୍ତର କରୁଣାକର ଦେଓ ଗତ ରାତିରେ ଭୁବନେଶ୍ଵର ଏକ ଘରୋଇ କ୍ଲିନିକ୍ ରେ ଚିକିତ୍ସାଧୀନ ଅବସ୍ଥାରେ ପରଲୋକ ଗମନ କରିଛନ୍ତି । ମୃତ୍ୟୁ ବେଳକୁ ତାଙ୍କୁ ୭୪ ବର୍ଷ ବୟସ ହୋଇଥିଲା। ବୁର୍ଲା ମେଡିକାଲର ୧୯୬୮ ବ୍ୟାଚ୍ ଡାକ୍ତର ଦେଓ ଜଣେ ଶିଶୁରୋଗ ଚିକିତ୍ସକ ଭାବେ ବେଶ୍ ଜଣାଶୁଣା ଥିଲେ । ଛାତ୍ରାବସ୍ଥାରେ ଜଣେ ସୁଗାୟକ ଭାବେ ମଧ୍ୟ ସୁପରିଚିତ ଥିଲେ। ମଧୁର ଭାଷୀ ଓ ମେଳାପୀ ଡାକ୍ତର ଦେଓ ତାଙ୍କ ଅବର୍ଭମାନରେ ପତ୍ନୀ ଓ ଦୁଇ ଝିଅଙ୍କୁ ଛାଡି ଯାଇଛନ୍ତି। ତାଙ୍କ ବଡଭାଇ କୃଷ୍ଣାବତାର ଦେଓ ଆଜି ସପରିବାର ଉତ୍‌କେଲାରୁ ବିମାନ ଯୋଗେ ଭୁବନେଶ୍ଵର ଓ ସେଠାରୁ ପୁରୀ ଯାଇ ସର୍ଗ ଦ୍ଵାରରେ ତାଙ୍କ ଅନ୍ତିମ କ୍ରିୟା ସମ୍ପନ୍ନ କରିଛନ୍ତି। ଡାକ୍ତର ଦେଓଙ୍କ ପୁତୁରା ବିଶ୍ଵନାଥ ଶାହା ଦେଓ ମୁଖାଗ୍ନି ଦେଇଥିଲେ । ଭୁବନେଶ୍ଵର ଠାରେ ଡାକ୍ତର ଦେଓଙ୍କ ଅନେକ ବନ୍ଧୁ, ପରିଜନ ଓ ସହପାଠୀ ତାଙ୍କର ଅନ୍ତିମ ଦର୍ଶନ କରିଥିଲେ । ତାଙ୍କ ବିୟୋଗରେ ଭବାନୀପାଟଣା ସହରରେ ଏକ ଶୋକାକୁଳ ପରିବେଶ ସୃଷ୍ଟି ହୋଇଥିବା ସମ୍ବାଦ ହସ୍ତଗତ ହୋଇଛି ।'